Os Campionatos de España por equipos, esta fin de semana na Coruña
lll
17º-23º

Os Campionatos de España por equipos, esta fin de semana na Coruña

Os Campionatos de España por equipos, esta fin de semana na Coruña
Espérase un bo papel dos representantes galegos | javier alborés

Usuario

A Coruña prepárase para acoller dúas xornadas de máxima emoción. A cidade herculina será un ano máis a sede das derradeiras probas de varios campionatos de tríatlon de máximo nivel nacional. Trátase da Copa do Mundo de Paratríatlon e os Campionatos de España por Clubs, por Remudas Mixtas e por Remudas Mixtas de Talentos.


As probas disputaranse na contorna do Parrote o sábado e o domingo. A primeira das probas será da categoría Pho3nix Kids Triathlon Series by Javier Gómez Noya, o sábado ás 12.00 horas, coa participación de numerosos nenos e nenas da cidade, que quixeron iniciarse nesta disciplina.


A partir das 16.00 horas será a quenda das probas dos campionatos nacionais, mentres que o domingo a partir das 9.00 horas comezará a Copa do Mundo de Paratríatlon, que será seguida dos campionatos de España por Remudas Mixtas, tanto en categoría absoluta como de talentos. A entrega de premios está prevista para as 14.30 horas.


Disputado

Este final de temporada está a ser moi disputado, xa que entre os dous primeiros clasificados da máxima categoría feminina. Hai só oito puntos de diferenza.


Trátase do Cidade de Lugo Fluvial e do Náutico de Narón, entre os que só hai oito puntos de diferenza. Na categoría masculina o título tamén está entre outros dous equipos que se atopan a esa mesma distancia: o Cidade de Lugo Fluvial e o Diablillos de Rivas.


O Goberno municipal de Inés Rey continúa a apostar polas grandes probas deportivas e eventos que poñan A Coruña no mapa a nivel nacional e internacional.


Está prevista a chegada á cidade estes días duns arredor de 1.800 visitantes asociados a esta competición, que será retransmitida en directo por Internet.


Ademais, asistirá á proba Marisol Casado, presidenta da Federación Internacional de Tríatlon e membro do Comité Olímpico Internacional.

Os Campionatos de España por equipos, esta fin de semana na Coruña

Te puede interesar