Menú
El Ideal Gallego Diario de Ferrol Diario de Arousa
YouTube Twitter Newsletter Instagram Facebook

Cifras que hai que protexer

Lete Lasa reuniuse cos responsables do Clúster da Industria do Deporte e do Benestar de Galicia | xg
|

O secretario xeral para o Deporte, José Ramón Lete Lasa, mantivo unha xuntanza de traballo coa directiva do Clúster da Industria do Deporte e do Benestar de Galicia, tras a súa recente constitución neste pasado mes de xaneiro.


Nesta xuntanza, Lete Lasa destacou que “Galicia é líder a nivel nacional en canto a crecemento da participación cidadá na práctica deportiva, especialmente nas zonas rurais” xa que actualmente se estima que case un 40% da poboación galega practica deporte habitualmente.


O sector deportivo galego conta na actualidade cun ecosistema de máis de 2.000 empresas que xeran un volume de actividade superior aos 1.600 millóns de euros e 12.000 postos de traballo,. Moitas das empresas do sector son líderes nacionais na súa especialidade, e estando algunhas delas empezando xa o seu proxecto internacional.


Galicia conta ademais cun relevante número de infraestruturas deportivas das que se estima participan máis dun millón de persoas. Todos estes datos, dixo o secretario xeral, avalan “grandes expectativas de crecemento para as próximas décadas”.


Reducción

Debido a aparición da Covid-19 e a redución do volume de actividade do sector, que en Galicia podería chegar a uns 500 e 600 millóns de euros de perda e a destrución de entre 4.000 e 4.500 postos de traballo, “é importante poñer en marcha iniciativas no territorio dirixidas á reactivación e recuperación dun sector tan consolidado como o do deporte en Galicia”.


Deste xeito, os obxectivos do Clúster da Industria do Deporte e do Benestar de Galicia serán impulsar a posta en marcha de servizos innovadores, de calidade e sostibles; deseñar grandes proxectos sectoriais; fomentar a transferencia de coñecemento; propiciar a colaboración público-privada e a posta en marcha de instrumentos de financiamento; crear postos de traballo; fomentar a captación de investimentos; favorecer a internacionalización; proporcionar recursos, formación e asesoramento: así como fomentar hábitos saudables.


En definitiva, trátase dun espazo no que as empresas asociaranse para proporcionar recursos, capacidades, competencias, medios, formación e asesoramento ao amplo sector relacionado co deporte.

Cifras que hai que protexer