Na tempada 2023-24, o Paiosaco descendeu de Terceira a Preferente, onde a campaña pasada non foi capaz de facer un bo ano e quedou apeado dos postos de playoff de ascenso. O verán supuxo un cambio no banco coa saída de Diego Armando García e o ‘ascenso’ de Christian Gómez, que xa formaba parte da estrutura do clube. O novo adestrador xa leva varias semanas aos mandos do equipo, no que conta con dezaoito xogadores. 

“Foi un mes longo porque adestramos os cinco días da semana e cos partidos faise un poquiño máis duro. Estaba acostumado a outras cousas e ao final ter que levar o peso é un pouco diferente, pero estou moi contento, moi cómodo e teño un corpo técnico excepcional”, recoñece Christian Gómez.

O clube acometeu sete fichaxes: Hugo Fernández, Jorge Queijeiro, Martín Carracedo, Manu Mato, Martín López, Rubén Caamaño y Cristian Quintas. De eles, varios chegaron procedentes do mercado da Costa, o cal controla ben o novo técnico: “Buscamos un pouco o mercado que coñecía de primeira man, do que somos coñecedores e sabemos o que poden aportar cada un para sumar. Quixemos buscar esas pezas que consideramos que facían falta para reforzar algunha posición, pero tíñamos claro que o primeiro eran as renovacións (dez). Hai un plantel de moitísimo nivel e todos os anos hai equipos de superior categoría que chaman á porta. Estamos moi contentos porque desde o primeiro día foron os propios xogadores os que quixeron continuar. A unión do grupo é moi alta”, explica.

A tempada pasada, o Paiosaco foi sétimo na Preferente Norte, quedando fóra dos postos de playoff de ascenso a Terceira. Un resultado co que o clube non quedou demasiado contento, aínda que tampouco gozou da mellor das sortes durante a tempada en cuanto a lesións e resultados.

O debut oficial del Christian Gómez no banco do Paiosaco será a próximo fin de semana, cando debute en Preferente contra o Miño en Gallamonde, aínda que non se quere meter presión de cara á tempada: “Todo o mundo quere mirar sempre cara arriba, pero son da idea de que o que fagas durante a semana condiciona o que pasa na fin de semana. Nós non temos un obxectivo como tal. Evidentemente, gustaríanos poder disputar o playoff e conseguir o ascenso, pero somos cautos. O primeiro é asegurar a permanencia e, a partir de aí, mirar cara arriba. Se a semana de traballo é boa e temos esa sorte da que falaba, as cosas entendo que irán saíndo ben. Queremos ascender? Se se pode dar, evidentemente, pero somos cautos nese sentido porque hai moitos equipos potentes na categoría”, sentencia Christian Gómez.