O novo adestrador deportivista Fernando Vázquez deixou constancia da súa convicción de que a permanencia do Depor non é unha utopía. "O que parece imposible é posible, non quero que me vexan como un mago, pode ser que non logremos quedarnos en Segunda, pero vamos loitar por eso. A situación é reversible pero o perigo está aí", dixo.
Vázquez, que chegará acompañado de Manuel Pombo como preparador físico e de Manu Sotelo como adestrador de porteiros, aclarou que seguirá no curso 20-21 no clube coruñés, en Segunda ou Segunda B, e na 21-22 en caso de ascenso.
"Estaba convencido de que voltaría ao Deportivo", engadiu un técnico que soña con reunir á afección. "Gustaríame un Riazor cheo, a razón de ser do clube é a súa afección", expresou.
