O auditorio Gabriel García Márquez de Mera quedouse pequeno para a celebración da Gala do Deporte de Oleiros. Un total de 58 oleirenses que acadaron triunfos e podios en campionatos nacionais e internacionais durante os anos 2020, 2021 e 2022 recibiron a homenaxe institucional do Concello.

Os deportistas premiados foron: Begoña de Arriba (atletismo), Jesús Manuel Villadóniga (esgrima) , Juan Fernández (surf), Mariana Suárez, Sofía Puñal, Iván Puente, Paloma Porta, Ana Marta, Manuel Mata (paddle surf), Mateo Martínez, Marco García (balonmán), Mónica Castelo (rugby), Damián Ramos (ciclismo), Andrés Prieto (tríatlon), Almudena Quereda (natación), Sabela Lage, Antonio Sandino (judo), Vladimir Zapparov, Diego Fernández Pascual, Marvin Fernández, Rubén Galdo, Helena García (taekwondo), Aldara Rodríguez, Erik Cortázar Boado (ximnasia artística), Iria Álvarez, Candela Martínez, o equipo sénior do club ximnasia Acodres (ximnasia rítmica), o equipo infantil do club de ximnasia Acordes (ximnasia estética), Jorge Manzanares, Jaime Ares Castro, Brais Cardezo, Alejandro Montes, Carmen Montes (salvamento e socorrismo), Jaime Ares Filloy (salvamento e socorrismo), José Manuel Sánchez (piragüismo), Luis Miguel Escourido (remo), Álvaro Alvedro (remo), Toni Ripoll (vela), Inés Vázquez (hóckey a patíns), Raúl Couto, Jorge Enrique Castro, Manu Taibo (patinaxe de velocidade), Olivia Rey, Lucas Yáñez (patinaxe artística) e Julia Benedetti (monopatín), que recibiron unha escultura personalizada.