José Luis Martínez Sanjurjo e Jesús Rama, alcalde de Ordes e concelleiro de Deportes de Cerceda respectivamente, clausuraron este xoves, nas instalacións deportivas de Vista Alegre, o VI Campus de Atletismo. Ao acto asistiron case a totalidade dos participantes desta edición, preto de 40 atletas que recolleron as súas medallas e trofeos.
O VI Campus de Atletismo foi organizado polos clubs Atletismo Ordes e Atlética A Silva en colaboración cos concellos de Ordes e Cerceda. Dende o pasado luns sucedéronse probas e sesións de perfeccionamento, carreiras de velocidade con e sen obstáculos; xogos multiatléticos; lanzamentos de xavelina, disco, martelo, peso e xogos de multilanzamento; saltos de lonxitude e altura; carreiras de resistencia e de remudas.
