O adestrador galego, durante a entrevista a dxt campeón que sairá publicada mañá, deu por feita a chegada do central senegalés do Raio Vallecano —como cedido— Abdoulaye Ba, un home ao que ve con capacidade para facer esquecer ao mancado de larga duración Michele Somma.
Qué esperas de Abdoulaye Ba?
Que sexa súper competitivo e que me dea algo extra que non teño.
Coidas que pode achegar a experiencia que lle pode estar faltando á liña defensiva da escadra herculina?
Experiencia non porque a mocidade é unha virtude, pero eu falo de rendemento, que me dea algo que ao equipo lle falte e que suba o nivel defensivo do equipo, é o que espero deste xogador. Teño que velo, adestralo e a partir de aí tomar decisións. Era unha posición na que agora, coa lesión de Eneko, só quedaría Álex Bergantiños e se seguise xogando con tres centrais estaría curto de reservas, evidentemente.
