miércoles 18.09.2019

Xan Rodiño, primeiro gañador na proba celebrada na Laracha

Comezou unha nova edición do torneo, co Campo da Feira de Paiosaco vencendo na clasificación por equipos
Entre os mellores non faltaron representantes da provincia de Pontevedra, que se achegaron para participaren nesta proba inaugural no Noroeste  | aec
Entre os mellores non faltaron representantes da provincia de Pontevedra, que se achegaron para participaren nesta proba inaugural no Noroeste | aec

Celebrouse a primeira xornada da Conferencia Noroeste da Liga de Billarda (LNB), ca proba que tivo como esceario a Área Recreativa da Cheda, no concello da Laracha. En total, participaron 45 persoas, chagadas de dirferentes puntos da provincia e tamén de localidades pontevedresas coma Bueu, Sanxenxo ou Marín.

Precisamente un competidor do Sur de Galicia foi o gañador. Xan Rodiño, do Lúa e Forza de Sanxenxo, acadou a vitoria, acabando segundo Roi, da APB Santa Marta da Laracha. Pechou o podio Viqueira, do Cochiqueiros de Malpica.

A campiona feminina foi Begoña, do Corredoiras de Bueu, sendo o mellor infantil Abel. O seu club, o Campo da Feira de Paiosaco, foi o vencedor na clasificación por equipos.

Unha vez rematada a competición celebrouse un xantar entre xogadores e familiares, onde se falou dos vindeiros proxectos dos clubes que organizan a Liga de Billarda, co obxectivo de seguir difundindo esta tradicional modalidade deportiva.

Comentarios