O Concello concede bolsas a 65 deportistas
lll
17º-23º

O Concello concede bolsas a 65 deportistas

O Concello concede  bolsas a 65 deportistas
Deporte Campeón-2020-12-03-032-24ae1833.jpg

Usuario

O Concello concederalles bolsas a 65 deportistas individuais por un importe total de preto de 122.000 euros, en que destacan Víctor Castro Mariño na especialidade de halterofilia; o judoka Alberto Gaitero Martín, o nadador Jacobo Garrido Brun, o boxeador Enmanuel Reyes Pla, e Alberto Seoane Alcaraz, na especialidade de tenis de mesa. 

Estes cinco contarán cunha axuda olímpica ou paralímpica de 5.000 euros. A concelleira de Deportes, Mónica Martínez, sinalou que se incrementan estas axudas, e que aínda que nun principio se consignaron 60.000 euros, “a elevada demanda de bolsas fixo que o Goberno municipal ampliase ese crédito aos 122.500 euros”.

Segundo a proposta de resolución provisional, o Servizo Municipal de Deportes revisou todas as solicitudes que lles remitiron as persoas demandantes no mes de xullo e publicou no Boletín Oficial da Provincia da Coruña (BOP) do 27 de agosto e na páxina web do Concello o trámite de emendas das solicitudes formuladas, que se estendeu até o 10 de setembro. 

Unha vez que se pechou este período, a Mesa de Avaliación estudou a documentación para propoñer a listaxe final de 65 coruñes merecedores dunha bolsa por destacaren até en 20 deportes, desde a vela até o bádminton.

O Concello concede bolsas a 65 deportistas

Te puede interesar