Máis de 40 deportistas de todas as idades participan ata o vindeiro xoves nesta edición. Organizada polos clubs Atletismo Ordes e Atlética A Silva contan coa colaboración dos concellos de Ordes e Cerceda
O VI Campus de Atletismo organizado polos clubs Atletismo Ordes e Atlética A Silva en colaboración cos concellos de Ordes e Cerceda deu comezo coa participación de 40 deportistas de todas as idades.
Ata o vindeiro xoves, 29 de xuño, as instalacións deportivas de Vista Alegre (Ordes) servirán de escenario para as xornadas nas que terán lugar as probas e sesións de perfeccionamento. Carreiras de velocidade con e sen obstáculos; xogos multiatléticos; lanzamentos de xavelina, disco, martelo, peso e xogos de multilanzamento; saltos de lonxitude e altura; carreiras de resistencia e de remudas son as competicións previstas. Tras a suma das puntuacións en todas elas elixiranse os mellores atletas desta edición.